ევროპარლამენტში საგამოძიებო კომისია შეიქმენბა, რომელიც ე.წ. “პანამურ დოკუმენტებში” გამოქვეყნებულ ინფორმაციას გამოიძიებს. შესაბამის გადაწყვეტილება ევროპარლამენტის პრეზიდიუმის კონფერენციამ დაუჭირა მხარი, რომლის შემადგენლობაში არიან პარლამნეტის თავმჯდომარე და პოლიტიკური პარტიების ლიდერები.
ევროპარლამენტის ვებგვერდზე გამოქვეყნებულ განცახდებაში ნათქვამია, რომ საგამოძიებო კომისიის მანდატის დამტკიცება 4 მაისს, ასევე, ევრპარლამენტის პრეზიდიუმის სხდომაზეა დაგეგმილი. ამის შემდეგ შესაბამის ინიციატივას ევროპარლამენტის მაისის პლენაურ სესიაზე განსახილველად გაიტანენ.
გამომძიებელი ჟურნალისტების საერთაშორისო კონსორციუმმა 3 აპრილს Mossack Fonseca-ს კუთვნილი 11,5 მილიონი დოკუმენტის შესწავლის შედეგად ანგარიში გამოაქვეყნა, სადაც საუბარია მსოფლიოს მოქმედი და ყოფილი ლიდერების, პოლიტიკოსების, სპორტსმენებისა და საზოგადო მოღვაწეების ოფშორულ საქმიანობაზე. “ პანამურ დოკუმენტებში” ევროკავშირის წევრი ქვეყნების მაღალი თანამდბეობის პირებთან ერთად ფიგურირებენ საქართველოს ყოფილი პრემიერ-მინისტრი ბიძინა ივანიშვილი და თავდაცვის ყოფილი მინისტრი დავით კეზერაშვილი.
