კამპანია „ეს შენ გეხებას“ სარჩელი საკონსტიტუციო სასამართლომ სრულად დააკმაყოფილა. სარჩელით, უნდა გარკვეულიყო, მიიჩნევდა თუ არა სასამართლო ანტიკონსტიტუციურად პარლამენტის 2014 წლის გადაწყვეტილებას, რომლის თანახმადაც, ე.წ. მოსმენების გასაღებზე წვდომის უფლება სახელმწიფო უსაფრთხოების სამსახურს აქვს.
მოსარჩელე მხარე მიიჩნევდა, რომ სასამართლოს გადაწყვეტილების გარეშე, სატელეფონო საუბრებსა და ინტერნეტკავშირებზე მიყურადების შესაძლებლობა კონსტიტუციის მეთექვსმეტე და მეოცე მუხლებით გარანტირებულ პირადი ცხოვრების უფლებას ეწინააღმდეგებოდა, რასაც საკონსტიტუციო სასამართლო დაეთანხმა.
სასამართლომ გადაწყვეტილების აღსრულების ვადად 2017 წლის 31 მარტი განსაზღვრა.
ბათუმში, საკონსტიტუციო სასამართლომ კამპანია „ეს შენ გეხებას“ მიერ წარდგენილ სარჩელზე გადაწვეტილება ცოტა ხნის წინ გამოაცხადა.
