„ნაციონალური მოძრაობის“ წევრის, ნუგზარ წიკლაურის ინფორმაციით, სასამართლომ მარტვილის მუნიციპალიტეტის გამგებლები თანამდებობებზე აღადგინა.
როგორც მან დღეს გამართულ პრესკონფერენციაზე განაცხადა, 2014 წელს, მარტვილის მუნიციპალიტეტის გამგებელმა ამავე გამგეობის ადმინისტრაციული ერთეულების წარმომადგენლები უკანონო ბრძანებთ გაათავისუფლა, მათ ნაცვლად კი, „ქართული ოცნების“ აქტივისტები დანიშნეს.
მისი თქმით, სამი წლის განმავლობაში, 18 ადამიანი უკანონობის წინააღმდეგ იბრძოლა და ისინი სასამართლოს გადაწყვეტილებით სამსახურში აღადგინეს.
„ყველა მცდელობის მიუხედავად, სამართლიანობის აღდგენა მაინც მოხერხდა. ყველა იმ ადამიანს გავუწევთ დახმარებას, რომელიც უკანონოდ არის გათავისუფლებული. სამართლიანობა ყველგან აღდგება. ის პრაქტიკა რაც ამ ადამიანების წინააღმდეგ განხორციელდა, არავითარ შემთხვევაში აღარ განმეორდება“, - დასძინა დეპუტატმა.
