ჟურნალისტმა შალვა რამიშვილმა პროკურატურა დატოვა. მისი განცხადებით, დაკითხვაზე ძირითადად კითხვები იყო, არსებობს თუ არა სამხარაძის მიერ დღეს დასახელებული აუდიო ჩანაწერები
”არ ვიცი, საერთოდ არსებობს თუ არა ეს ჩანაწერები. რაც შეეხება სამხარაძის და ბახტაძის დაკითხვას, ლოგიკურად ისინი აუცილებლად უნდა დაიკითხონ", - განაცხადა რამიშვილმა.
შეგახსენებთ, რომ მსახიობი თათია სამხარაძე შალვა რამიშვილს სექსუალურ შევიწროებაში ადანაშაულებს. მსახიობის განცხადებით, მან აუდიო ჩანაწერიც გააკეთა, სადაც რამიშვილი ემუქრებოდა, რომ თუ მასთან არ ექნებოდა სექსუალური ურთიერთობა, მისი კარიერა აღარ გაგრძელდებოდა. თათია სამხარაძე აპირებს, შალვა რამიშვილს სასამართლოში უჩივლოს.
