საქართველოს სახალხო დამცველის ანგარიშში 2015 წელს ქვეყანაში ადამიანის უფლებებისა და თავისუფლებათა დაცვის მდგომარეობის შესახებ ბარბარე რაფალიანცის და სხვა გახმაურებულ საქმეებზე არაფერია ნათქვამი.
1261-გვერდიან ანგარიშში უჩა ნანუაშვილი ყურადღებას ამახვილებს უმარავ საკითხზე, თუმცა არაფერია ნათქვამი 2012 წელს, ამ დრომდე გაურკვეველ ვითარებაში დაღუპული მცირეწლოვანის ბარბარე რაფალიანცის საქმის შესახებ. მით უფრო, იმის გათვალისწინებით, რომ ფაქტი იმთავითვე გახდა პოლიტიკური კონტექსტის შევცველი.
სახალხო დამცველი ანგარიშში არც იმით დაინტერესებულა, რომ რომ რაფალიანცის ოჯახის წევრები არაერთხელ მიუთითებდნენ მათზე განხორციელებულ ზეწოლაზე გამოძიების მიმდინარეობისას.
პარალალურად, სახალხო დამცველი საკუთარ ანგარიშში აღნიშნავს, რომ მიუხედავად არაერთი მოწოდებისა, დღემდე უცნობია სახალხო დამცველის 2013–2014 წლების საპარლამენტო ანგარიშებში მითითებული გახმაურებული და საზოგადოებაში მაღალი ინტერესის მქონე სისხლის სამართლის საქმეების გამოძიების შედეგები და იქვე აკონკრეტებს მხოლოდ ერთ საქმეს, რომელიც 2012 წლის 28 აგვისტოს მოხდა.
„ამ დრომდე კვლავ უცნობია სოფელ ლაფანყურთან, მდინარე ლოპოტას ხეობაში განვითარებული მოვლენების შესახებ მიმდინარე ოფიციალური გამოძიების შედეგები. კვლავ გრძელდება გამოძიება 2012 წლის 28 აგვისტოს ლოპოტას ხეობაში მომხდარ მოვლენებთან დაკავშირებით. გამოძიების მიმდინარეობისა და პროგრესის შესახებ ინფორმაცია არ არის ხელმისაწვდომი დაზარალებული ოჯახების, დაინტერესებული პირებისა თუ ფართო საზოგადოებისათვის. შესაბამისად, გამოძიება უნდა იქნეს მიჩნეული არაეფექტურად და სახალხო დამცველი სამი წლის შემდეგ განმეორებით მოუწოდებს პარლამენტს შექმნას დროებითი საგამოძიებო კომისია ამ მოვლენების შესასწავლად”, - აცხადებს სახალხო დამცველი.
უნდა აღინიშნოს, რომ საპარალამენტო ოპოზიციამ არაერთხელ გააჟღერა საკითხი იმავე რაფალიანცის, თათუხაშვილისა და სხვათა სააქმეებზე საპარლამენტო კომისიის შექმნის თაობაზე, რაც არც ერთ ეტაპზე არ იქნა მხარდაჭერილი სახალხო დამცველის მიერ, ანალოგიური პოზიციის გამოხატვით.
