მეუღლისა და მცირეწლოვანი შვილის მკვლელობაში ბრალდებული მაგდა პაპიძის საქმეს ნაფიცი მსაჯულები განიხილავენ. ამის სურვილი თბილისის საქალაქო სასამართლოში მიმდინარე სასამართლო სხდომაზე ბრალდებულმა თავად გამოთქვა.
მისი თქმით, თუ სასამართლომ არ შეწყვიტა სისხლისსამართლებრივი დევნა მის წინააღმდეგ, მას სურს, რომ მისი საქმე საზოგადოებამ განიხილოს.
როგორც თბილისის საქალაქო სასამართლოში ოჯახურ დანაშაულში ბრალდებულის, მაგდა პაპიძის საქმის პროკურორმა ელენე ჩხეიძემ განაცხადა, საზოგადოებაში დიდი ინტერესია ამ საქმის მიმართ და მსაჯულებმა თავად გადაწყვიტონ, არის თუ არა საკმარისი მტკიცებულებები იმისათვის, რომ პაპიძის დანაშაული დამტკიცდეს.
ნაფიც მსაჯულთა შერჩევის სხდომა 7 აპრილს 11:00 საათზე ჩაინიშნა.
