პრეზიდენტის ყოფილი მრჩევლი ვანო მაჭავარიანი პროკურატურაში დაიბარეს. საქმე ეხება ცოტა ხნის წინ მის მიერ TV პირველის ეთერში გაკეთებულ განცხადებას, რომლის თანახმადაც, Facebook-ში გაუგზავნეს პირადი ცხოვრების ამსახველი კადრები.
"ეს არის მთავრობის ხელი, მთავრობას ძალუძს, რომ ასეთი რამ აკეთოს და შევიდეს ინტერნეტსივრცეში. ზუსტად სამ დღეში დამიბლოკეს ფეისბუქი, დამიჰაკერეს. როგორც ჩანს, მაგრძნობინეს, რომ მათ აქვთ ამის შესაძლებლობა. გამომიგზავნეს კადრები გაუგებარი საიტებიდან, რომელიც, რა თქმა უნდა, არ გავხსენი. იყო შეთავაზება - "ხომ არ გაინტერესებთ ნახვა"?. რა თქმა უნდა, ეს არ არის ჩემთვის საინტერესო და მიმაჩნია, რომ ბინძური შანტაჟი და ტერორია" - განაცხადა მაჭავარიანმა.
პროკურატურაში მაჭავარიანს 15:30 საათზე ელიან.
