არადეკლარირებული ოქროს ნაკეთობები აღმოაჩინეს მებაჟე ოფიცრებმა 24 მარტს, საბაჟო გამშვებ პუნქტზე „სადახლო-საავტომობილო“. ეჭვის საფუძველზე ფიზიკური დათვალიერების შედეგად, მათ სომხეთის რესპუბლიკის მოქალაქე ჰ.ს.-ს, საერთო წონით 81,86 გრამი ოქოს ნაკეთობები აღმოუჩინეს. საქონლის საბაჟო ღირებულებამ შეადგინა 30945,72 ლარი. საქმე შემდგომი რეაგირების მიზნით გადაეცა ფინანსთა სამინისტროს საგამოძიებო სამსახურს.
მსგავსი ფაქტი გამოავლინეს შემოსავლების სამსახურის თნამშრომლებმა 26 მარტსაც. საბაჟო გამშვებ პუნქტზე „წითელი ხიდი“, აზერბაიჯანის მოქალაქე რ.ჰ.-ის ბარგის ეჭვის საფუძველზე დეტალური დათვალიერების შედეგად, მებაჟე ოფიცრებმა საერთო წონით 21,72 გრამი არადეკლარირებული ოქროს ნაკეთობები აღმოაჩინეს. საქონლის საბაჟო ღირებულებამ შეადგინა 3373,32 ლარი.
საქართველოს საგადასახადო კოდექსის 289-ე მუხლის მე-10 ნაწილის მიხედვით, პირს სანქციის სახით შეეფარდა ფულადი ჯარიმა, 3373.32 ლარის ოდენობით.
