არასამთავრობო ორგანიზაციების ნაწილი დეპუტატების დაკითხვას მოითხოვს. საქმე ეხება პირადი ცხოვრების კადრების გავრცელებასთან დაკავშირებით თამაზ მეჭიაურისა და დავით ლორთქიფანიძის განცხადებებს.
,,საერთაშორისო გამჭვირვალობა - საქართველოს აღმასრულებელი დირექტოტი ეკა გიგაური მიჩნევს, რომ პროკურატურა უნდა დაინტერესდეს თუ რა კონკრეტული ინფორმაციები აქვთ აღნიშნულ დეპუტატატებს ფარულ ვიდეომასალებთან დაკავშირებით.
”ჩვენ ვფიქრობთ, მნიშვნელოვანია, რომ ბატონი მეჭიაური და ლორთქიფანიძე დაიკითხოს პროკურატურის მიერ, იმ უბრალო მიზეზის გამო, რომ ისინი, ერთის მხრივ, აანონსებდნენ და მეორეს მხრივ, კონკრეტულ დეტალებზე საუბრობდნენ ამ ვიდეოებთან დაკავშირებით. შესაბამისად, პროკურატურა უნდა დაინტერესდეს, თუ რა ინფორმაცია გააჩნიათ ამ კონკრეტულ პირებს“, - აღნიშნა ეკა გიგაურმა.
