კუდის ყოფილი მაღალჩინოსანი და სამხედრო პოლიციის ყოფილი ხელმძღვანელი გიორგი დგებუაძე, იგივე „მასტერას“ თბილისში ექსტრადირება დღეს, გამთენიისას განხორციელდა.
ინტერპოლით ძებნილი გიორგი დგებუაძე 2014 წელს ჰოლანდიაში დააკავეს. საქართველოს პროკურატურამ მოთხოვნა ჰოლანდიაში დგებუაძის საქართველოში გადმოყვანასთან დაკავშირებით თითქმის 2 წლის წინ გაგზავნა, თუმცა ნიდერლანდელმა სამართალდამცველებმა ის მხოლოდ რამდენიმე დღის წინ დააკმაყოფილეს.
შეიარაღებული ძალების გაერთიანებული შტაბის სამხედრო პოლიციის დეპარტამენტის უსაფრთხოებისა და განსაკუთრებულ დავალებათა მთავარი სამმართველოს ყოფილი უფროსი ძებნაში 2013 წლის 7 მარტიდან იმყოფება.გიორგი დგებუაძეს ბრალი სამსახურებრივი უფლებამოსილების გადამეტებაში, თავისუფლების უკანონო აღკვეთასა და წამების ორგანიზებაში ედება.
