დღეს, 21 მარტს, სავარაუდოდ, უკრაინელი მფრინავი ქალის ნადია სავჩენკოს განაჩენი გამოცხადდება.
ბოლო სასამართლო სხდომაზე, რომელიც 9 მარტს გაიმართა და მხოლოდ 20 წუთს გაგრძელდა, უკრაინელი მფრინავი საბოლოო სიტყვით წარდგა.
მან კიდევ ერთხელ განაცხადა, რომ თავს დამნაშავედ არ ცნობს.
სავჩენკოს თქმითვე, ის არ აღიარებს რუსულ სასამართლოს და არც გამამტყუნებელ განაჩენს გაასაჩივრებს.
უკრაინელი მფრინავი განაგრძობს შიმშილობასაც. პროცესზე მან უკრაინის ჰიმნიც იმღერა.
ნადია სავჩენკოს მხარდასაჭერი აქციები მთელს მსოფლიოში იმართება. უკრაინელ მფრინავს პროკურატურა ორი რუსი ჟურნალისტის მკვლელობაში ადანაშაულებს და მისთვის 23 წლიან პატიმრობას მოითხოვს.
