თბილისის საქალაქო სასამართლო მზად არის, მოწმეთა დაკითხვა ახალი წესით განახორციელოს, - ამის შესახებ უზენაესი სასამართლოს თავმჯდომარემ, ნინო გვენეტაძემ, მართლმსაჯულების სახლში მიმდინარე მოსამართლეთა რიგგარეშე კონფერენციის დაწყებამდე ჟურნალისტებთან საუბრისას გააკეთა.
როგორც მან აღნიშნა, ეს ამ საკითხთან დაკავშირებით კონფერენციაზე მოხსენებით გამოვა და მოსამართლეებს ინფორმაციას მიაწვდის ამ კუთხით განხორციელებულ ღონისძიებებთან დაკავშირებით.
"თბილისის საქალაქო მზად არის უკვე მოწმეთა მიღებისა და დაკითხვისთვის. ხვალ კიდევ ერთი მოსამზადებელი ტრენინგი გვაქვს. ეს ნიშნავს, რომ სასამართლო კორპუსი მზად არის, კანონის ახალი მოთხოვნები განახორციელოს," - აღნიშნა ნინო გვენეტაძემ.
