პროკურატურიდან რამდენიმე ათეული მაღალჩინოსანი დაითხოვეს, - ეს გადაწყვეტილება მთავარმა პროკურორმა თანამშრომლებს გუშინ გამართულ თათბირზე აცნობა. გათავისუფლებულებს შორის არიან ოლქების, ქალაქების და რაიონების პროკურორები.
არ არის გამორიცხული საკადრო ცვლილელები კიდევ უფრო მაღალ ეშელონებსაც შეეხოთ. გავრცელებული ინფორმაციით თანამდებობების დატოვება შესაძლოა მთავარი პროკურორის მოადგილეებსაც მოუწიოთ. ჯერ გაურკვეველია თბილისის პროკურორის ბედი, რომელიც ამ ეტაპზე ინარჩუნებს პოსტს. შოთაძის უწყებაში მიმდინარე მასშტაბური საკადრო გადაადგილებების მიუხედავად უწყებას ოფიციალური განცხადება ამ დრომდე არ გაუკეთებია.
პროკურატურაში მიმდინარე მასშტაბურ ცვლილებებს ნაციონალური მოძარობა წინასაარჩევნო პერიდოს უკავშირებს. ოპოზიცია დარწმუნებულია, რომ ცვლილებები უწყების გაძლიერებას არ უკავშირდება და ის წინასაარჩვნოდ ამომრჩეველზე ზემოქმედების გამო ხორციელდება. საწინააღმდეგო მოსაზრება აქვს უმარვლესობას.
გათავისუფლებული მაღალჩინოსნები დღეს მედიასთან არ გამოჩენილან. რას უკავშირდება ან როდის დასრულდება მასშტაბური საკადრო ცვლილებები პროკურატურაში უცნობია.
