ქმრისა და შვილის მკვლელობისთვის ბრალდებულ მაგდა პაპიძის საქმეთან დაკავშირებით, პროკურატურაში დამატებით განმარტებებს აკეთებენ და აცხადებენ, რომ მტკიცებულებების გასაჯაროვების მთავარი მიზეზი მედიასაშუალებით გავრცელებული ვერსიები და საზოგადოების მაღალი ინტერესი გახდა.
პროკურორის თქმით, მტკიცებულებათა ნაწილის გამოქვეყნება არ შეუშლის ხელს გამოძიების ობიექტურად წარმართვას. მკვლელობიდან 2 თვის შემდეგ პროკურატურამ დღეს პირველად ისაუბრა სავარაუდო მოტივის შესახებაც.
„რაც შეეხება მოტივს, სავარაუდოდ, აღნიშნული დანაშაული ჩადენილია იმ მოტივით, რომ მაგდა პაპიძეს ჰყავდა მეგობარი მამაკაცი, ქმართან არ ჰქონდა ურთიერთობა გარკვეული პორიოდის განმავლობაში, მას აღარ უყვარდა მისი მეუღლე და ჰქონდა აგრესიული დამოკიდებულება მეუღლისა და შვილის მიმართ და სწორედ ეს გახდა დანაშაულის ჩადენის მოტივი. ქმრის მხრიდან, მეუღლის მიმართ სექსუალური ძალადობის ფაქტი დადეგნილი არ არის,“ - განაცხადა პროკურორმა.
მთავარმა პროკურატურამ დღეს ქმრისა და შვილის მკვლელობაში ბრალდებული მაგდა პაპიძის საქმეში არსებული მტკიცებულებები გაასაჯაროვა.
