სისხლის სამართლის საერთაშორისო სასამართლოს პროკურორის ფატუ ბენსუდას ოფისის წარმომადგენლის ფაკისო მოჩოჩოკოს განმარტებით, რუსეთი არ არის რომის სტატუტის მონაწილე ქვეყანა დაშესაბამისად, არ გააჩნია ვალდებულება ჰააგის სასამართლოს მიმართ. თუმცა, მისი თქმით, რუსეთს არაფერი უშლის ხელს, რომ საკუთარი სურვილით ითანამშრომლოს სასამართლოსთან.
მოჩოჩოკოს განცხადებით, მოჩოჩოკოს თქმით, ჯერჯერობით ძალიან ადრეა გადაჭრით იმის თქმა, რომ რუსეთი გამოძიებასთან არ ითანამშრომლებს.
,,ჩვენ ვიცით ის განცხადებები, რომელიც რუსეთის წარმომადგენლებმა გააკეთეს ამ თემაზე, მაგრამ მაინც გავაგრძელებთ ძალისხმევას, რომ ჩავრთოთ რუსეთი. ამიტომ ძალიან ადრეა გადაჭრით ვთქვათ, რომ რუსეთი არ ითანამშრომლებს“, - განაცხადა ფაკისო მოჩოჩოკომ.
მისივე თქმით, რუსეთის მხრიდან უარის შემთხვევაში, გამოძიება გაგრძელდება და საკუთარი არხებით გააგრძელებენ მოიპოვონ მტკიცებულებები, რომლებიც თუნდაც, რუსეთის მხარის მოქმედებების დამადასტურებლად და სიმართლის დასადგენად იქნება საჭირო.
,,რა თქმა უნდა, უფრო გაართულებს პროცესს მათ მიერ მონაწილეობაზე უარის თქმა, მაგრამ ამის მიუხედავად, ჩვენ გავაგრძელებთ სამხილების მოპოვებას და როდესაც საკმარისი მასალა შეგროვდება იმისათვის, რომ გავარკვიოთ, რომელ მონაწილე მხარეს რა წვლილი მიუძღვის ამ პროცესში, ამის შემდეგ უკვე ყველაფერი გახდება ნათელი“, - განაცხადა ფაქისო მოჩოჩოკომ
„ქორთიარდ მერიოტში“ გამართულ ბრიფინგზე.
