აღმაშენებლის ხეივანში ერთ-ერთ ბენზინგასამართ სადგურზე მომხდარ ინცინდენტს ერთი ადამიანის სიცოცხლე ემსხვერპლა. მეორე დაჭრილია. დადგენილია ორივე პირის ვინაობა ისინი ძმები - ზურა და გია ბერიშვილები არიან.
როგორც შსს-ში "ჯი-ეიჩ-ენს" განუცხადეს, ერთი ძმა ადგილზე გარდაიცვალა, ხოლო მეორეს, რომელიც მძიმე მდგომარეობაში იმყოფება, ამჟამად ოპერაცია უტარდება.
თვითმხილველების ინფორმაციით, აღმაშენებლის ხეივანში ქუჩურ გარჩევაში რამდენიმე ახალგაზრდა მონაწილეობდა. სიტყვიერ დაპირისპირებას რამდენიმე გასროლა მოჰყვა, რის შედეგადაც ერთი ახალგაზრდა გარდაიცვალა, მეორე მძიმედ დაიჭრა.
ინციდენტში მონაწილე პირები დიღმის ტყისკენ გაიქცნენ, თუმცა პოლიციამ ერთ-ერთი მათგანი დააკავა. მიმდინარეობს ინციდენტში მონაწილე სხვა პირების დაკავების ოპერაცია.
ადგილზე ამ დრომდე მუშაობს საგამოძიებო ჯგუფი.
საქმე განზრახ მკვლელობის მცდელობის ფაქტზე "სისხლის სამართლის კოდექსის" 108-ე მუხლით მიმდინარეობს.
