,,მაესტროს“ ირგვლივ მიმდინარე მოვლენებთან დაკავშირებთ, მხარეები რეესტრის გადაწყვეტილებას ელოდებიან.
,,თუ რეესტრი იმოქმედებს კანონის დაცვის შესაბამისად, შეუძლებელია დირექტორის რეგისტრაცია, რადგან უარის საფუძველი რეესტრის მიერვე განსაზღვრულია. სანამ ბაია გადაბაძე არ წარადგენს დოკუმენტს და სანამ მის მიმართ არსებული სარეგისტრაციო წარმოება არ დასრულდება, ბატონი ლევან გაჩეჩილაძის მიმართ დაწყებული წარმოება არის შეჩერებული’’- განაცხადა მაკა ასათიანის ადვოკატმა, გიორგი გვენეტაძემ.
გაჩეჩილაძის ადვოკატის თქმით კი, რეესტრს ყველა საჭირო დოკუმენტი უკვე გადაეგზავნა და ამ საკითხთან დაკავშირებით დრო ყველაზე მნიშვნელოვანი ფაქტორია.
,,თუ რეესტრი გაიზიარებს ჩვენს არგუმენტაციას, შეჩერება გაუქმდება და ლევან გაჩეჩილაძე დარეგისტრირდება დირექტორად, ამისთვის კი არსებობს უამრავი წინაპირობა და რაღა უნდა გაკეთდეს ბუნებაში იმისათვის, რომ ლევან გაჩეჩილაზე დაინიშნოს დირექტორად?’’-ამბობს გაჩეჩილაძის ადვოკატი ირაკლი კორძახია ასევე მაესტროსთან ინტერვიუში.
გაჩეჩილაძეებს სურთ, რომ ლევან გაჩეჩილაძის რეგისტრაცია დირექტორის პოსტზე 19 თებერვლამდე მოხდეს, ვინაიდან 19- ში გაიმართება კრედიტორთა კრება, სადაც უნდა იმსჯელონ მაესტროს გაკოტრების საკითხზე.
