უზენაესი სასამართლოსა და იუსტიციის უმაღლესი საბჭოს თავმჯდომარემ, პარლამენტს მიმართა ლევან მურუსიძისათვის უზენაესი სასამართლოს მოსამართლეობის უფლებამოსილების ვადაზე ადრე შეწყვეტის თხოვნით. მიმართვა პარლამენტის ბიუროს დღეს წარედგინა.
ცნობისათვის, უზენაესი სასამართლოს მოსამართლის პოსტზე ლევან მურუსიძეს 10-წლიანი ვადა მიმდინარე წლის აპრილში ეწურება, თუმცა მისთვის უფლებამოსილების ვადაზე ადრე შეწყვეტა იმ გარემოებამ განაპირობა, რომ იუსტიციის საბჭომ სააპელაციო სასამართლოს მოსამართლედ აირჩია.
როგორც ბიუროს დღევანდელ სხდომაზე პარლამენტის თავმჯდომარე დავით უსუფაშვილმა აღნიშნა, მურუსიძისთვის უფლებამოსილების ვადაზე ადრე შეწყვეტის საკითხს ჯერ იურიდიულ საკითხთა კომიტეტი, შემდეგ კი პლენარული სხდომა განიხილავს.
