პოლიციის ყოფილი მაღაჩინოსანი ირაკლი ფირცხალავა სკანდალურ განცხადებას აკეთებს და ბიძინა კუჭავას ღიად ადანაშაულებს ცოლ-ქმარი ნინუებისა და მაღალდაძის მკვლელობაში. ე.წ. კორტების საქმეზე მსჯავრდებულმა ირაკლი ფირცხალავამ სააპელაციო სასამართლოში გამართულ დღევანდელ პროცესზე განაცხადა, რომ 2007 წელს მაღალდაძის მკვლელობის დროს ის იყო კრიმინალური პოლიციის დირექტორი.
როგორც ფირცხალავამ აღნიშნა, მაღალდაძე მოკლული იყო სპეციალური - „გრუს“ იარაღით, რომელიც იშვიათი სახეობაა.
როგორც ფირცხალავამ აღნიშნა, ნინუების საქმეზე დაკავებული გოგია უდანაშაულოა და ის სასჯელს ტყუილუბრალოდ იხდის.
„არსებობდა ოპერატიული წყარო, მე შემიძლია შემდგომში პროკურატურას ვუთხრა, რომელიც მაწვდიდა ინფორმაციას, რომ მისირელმა ზუსტად არ მახსოვს კუჭავას, კაზინოში წააგო ფული თუ ესესხა კაზინოში ფულს, 5000 დოლარად ეს არ არის ამ იარაღის საბაზრო ფასი, უფრო დიდია მისი ფასი, მიყიდა ეს იარაღი ბიძინა კუჭავას. ამის შემდეგ 2 წლის მერე მოხდა მკვლელობა მიცკევიჩზე. მკლული იქნენ გენერალი თამაზ ნინუა და მისი მეუღლე, ხელწერა იყო იგივე, ორივეს თავში ჰქონდა ნასროლი და დარწმუნებით შემიძლია გითხრათ, რომ სამივე ტყვია, რომელიც ამოღებული იყო მაღალდაძისა და ნინუების სალხიდან ეს არის იდენტური ტყვიები გასროლილი ერთი და იგივე იარაღიდან. მე მაშინ უფლებაც არ მქონდა არ დავსწრებივარ საგამოძიებო ღონისძიებებს, მაგრამ გადმოცემით ვიცი, რომ ანალოგიურად ამ სახლშიც იყო მიმობნეული ქვიშა არა, წიწაკა დაფქვილი თუ რაღაც. იმ მტკიცებულებებიდან გამომდინარე, რასაც მე ვფლობდი იმ დროისთვის ოპერატიულ დონეზე ეს მკვლელობები ჩადენილი იყო ბიძინა კუჭავას ან მის მიერ დაქირავებული ადამიანების მიერ,“- განაცხადა ფირცხალავამ და იმდი გამოთქვა, რომ აღნიშნული განცხადების შემდეგ, ,,ვინმე მესტუმრება ციხეში“ და დაასახელებს კონკრეტულ გვარებს.
