მოწმის დაკითხვის ახალი წესისთვის მოსამზადებლად, შესაბამის უწყებებს 1 თვე აქვთ. იუსტიციის მინისტრის თეა წულუკიანიმა დღეს ჟურნალისტებტან განაცხადა, რომ ახალი წესის შემოღება არ გადაიდება და იგი 20 თებერვალს ამუშავდება.
„მოწმის დაკითხვის ახალი წესის შემოღებაზე აღმასრულებელი ხელისუფლება და მმართველი კოალიცია უკვე მეოთხე წელი დაიწყო, ვსაუბრობთ. სამწუხაროდ, ამ წესის ძალაში შესვლა რამდენჯერმე იქნა გადატანილი. ჩვენ ამ წესს ვეღარ გადავდებთ და თუ კარგად მახსოვს სწორედ ვეტო დაადო პრეზიდენტმა გადავადებას, ამიტომ, აღმასრულებელ ხელისუფლებაში როდესაც გაჩნდა შუალედური და მე ვიტყოდი უფრო ევროპული მეთოდი მოწმის დაკითხვის ახალი წესისა, ჩვენ ეს მოდელი უკვე დავუმტკიცეთ პარლამენტში და 20 თებერვალს ეს წესი უნდა ამუშავდეს. იმედი მაქვს, რომ თუკი პროკურატურა, შსს და სხვა უწყებები არიან მზად, სასამართლოც მოასწრებს მომდევნო ერთ თვეში, რომ დახვდეს მზად ამ დიდ და მნიშვნელოვან რეფორმას“, - განაცხადა თეა წულუკიანმა.
