არადეკლარირებული ძვირფასი ლითონის ნაკეთობების შემოტანის ფაქტი გამოავლინეს საბაჟო გამშვები პუნქტის, „ლაგოდეხის“, მებაჟე ოფიცრებმა. აზერბაიჯანის მოქალაქე მ.ე.-ის კუთვნილი ხელჩანთის ეჭვის საფუძველზე დათვალიერების შედეგად, მათ ოქროსა და ვერცხლის ნაკეთობები და ბიჟუტერია აღმოაჩინეს. არადეკლარირებული საქონლის საბაჟო ღირებულებამ 3958,89 ლარი შეადგინა.
საგადასახადო კოდექსის 289-ე მუხლის მე-10 ნაწილის შესაბამისად, აზერბაიჯანის მოქალაქეს სანქციის სახით შეეფარდა ფულადი ჯარიმა 3958.89 ლარის ოდენობით.
