მეოთხე დღეა ზუგდიდის საოლქო პროკურორს ვერ პოულობენ. პაატა ქირია სახლიდან გავიდა და მას შემდეგ აღარ დაბრუნებულა. ცნობილია, რომ მისი ტელეფონი 2 დღის წინ რუსთავში იპოვეს, თუმცა თავად პროკურორი არსად ჩანს.
ზუგდიდის საოლქო პროკურორის ოჯახის წევრები კომენტარს არ აკეთებენ.
პროკურატურაში კი აცხადებენ, რომ საქმეში უწყება აქტიურად არის ჩართული და მიმდინარეობს მოკვლევა პროკურორის ადგილსამყოფელის დასადგენად. განცხადება მთავარი პროკურატურის საზოგადოებასთან და მასმედიასთან ურთიერთობის დეპარტამენტის უფროსმა ნათია სუხიაშვილმა გააკეთა.
„სამეგრელო-ზემო სვანეთის საოლქო პროკურატურის განყოფილების უფროსი პროკურორი ვახტანგ ქირია ორი დღეა არ გამოცხადებულა სამსახურში და არც ოჯახთან არ გასულა კონტაქტზე. ამჟამად მიმდინარეობს აქტიური მოქმედებები მისი ადგილსამყოფელის დადგენის მიზნით,“ - განაცხადა ნათია სუხიაშვილმა.
