ბარსელონის სიახლოვეს, ქალაქ ტერასაში მოკლული ქართველების შესახებ საქართველოს საკონსულო ინფორმაციას არ ფლობს.
46 და 31 წლის მამაკაცების მკვლელობის შესახებ საკონსულოსთვის მედიიდან გახდა ცნობილი. მოკლულებს ცეცხლსასროლი იარაღიდან ესროლეს. ჭრილობა ორივეს თავის არეში აქვს მიყენებული.
გავრცელებული ინფორმაციით, ბინაში, სადაც შემთხვევა მოხდა, კიდევ 3 ქართველი იმყოფებოდა, რომლებიც ამჟამად დაკავებულნი არიან.
ვრცელდება ინფორმაცია, რომ მათ თავდასხმის დროს მოახერხეს ბინის დატოვება და გაქცევა.
ესპანეთის პოლიცია დამნაშავეს ეძებს, თუმცა ეჭვმიტანილთან დაკავშირებით ინფორმაცია არ ვრცელდება.
