ალეკო ელისაშვილის განცხადებაზე დაწყებულია გამოძიება. გამოძიების დასრულების შემდეგ საზოგადოებას დეტალურ ინფორმაციას მივაწვდით, - ამის შესახებ მთავარმა პროკურორმა ირაკლი შოთაძემ განაცხადა.
მისი თქმით, "მიმდინარეობს საგამოძიებო მოქმედებები. ჩატარებულია ათეულობით საგამოძიებო მოქმედება. დანიშნულია ექსპერტიზები. შესაბამისად ეს საქმე მიმდინარე პროცესია. ჩვენ დავდეთ პირობა, რომ საგამოძიებო მოქმედებების დასრულების შემდეგ საზოგადოებას დეტალურ ინფორმაციას მივაწოდებთ და ამ პირობას აუცილებლად შევასრულებთ",- განაცხადა შოთაძემ.
შეგახსენებთ, შეწყალების კომისიის ყოფილი თავმჯდომარის ალეკო ელისაშვილის განცხადებით, "ქართული ოცნების" გავლენიანი პოლიტიკოსები პოლიტპატიმართა სიაში ადამიანების მოსახვედრად გარკვეულ თანხებს იღებდნენ.
