არასამთავრობო ორგანიზაცია ,,სამართალდამცველთა რეფორმირების ცენტრის“ ხელმძღვანელი ზვიად კუპრავა მთავარ პროკურატურაში დაკითხვაზე იმყოფება. მისი თქმით, ხუთმა არასამთავრობო ორგანიზაციამ პროკურატურაში საჩივარი ბესელიას, კობახიძის, ტურავას, გვენეტაძის და პოლიტპატიმართა სიის შემდგენი კომისიის სხვა წევრების მიმართ შეიტანა.
,,საჩივარი შევიტანეთ იმასთან დაკავშირებით, რომ აღნიშნულ სიაში მოხვდნენ ადამიანები, რომლებიც ბრალდებულები და მსჯავრდებულები იყვნენ სხვადასხვა მძიმე და განსაკუთრებით მძიმე დანაშაულში; ადამიანები, რომლებსაც საერთოდ მონაწილეობა არ მიუღიათ არცერთ პოლიტიკურ პროცესში. მიუხედავად ამისა, ისინი მოხვდნენ პოლიტპატიმართა სიაში. მაგალითად, ამ სიაში არის ზურაბ შალიკიანი, რომელსაც არავითარი პოლიტიკური კარიერა არ ჰქონია, არის კრიმინალური ავტორიტეტი, მიუხედავად ამისა, ადამიანი, რომელიც იჯდა მკვლელობის ბრალდებით, მოხვდა პოლიტპატიმართა სიაში და დარჩენილი 17 წლის მიუხედავად, დატოვა საპყრობილე", - აღნიშნა კუპრავამ.
