საქართველოს თავდაცვის მინისტრმა ბრიუსელში ვიზიტი ევროკავშირის წარმომადგენლებთან შეხვედრებით დაიწყო. თინათინ ხიდაშელი ევროპის საგარეო ქმედებათა სამსახურის გენერალური მდივნის მოადგილეს, მაცეი პოპოვსკის შეხვდა. მინისტრმა საქართველოში ევროკავშირის მონიტორინგის მისიის მნიშვნელობაზე ისაუბრა. ხიდაშელი ევროპარლამენტის უსაფრთხოებისა და თავდაცვის ქვეკომიტეტის წევრებსაც შეხვდა. განხილვის მთავარი თემა შავი ზღვის რეგიონში არსებული მდგომარეობა და უკრაინაში მიმდინარე მოვლენები იყო.
