თავდაცვის მინისტრის მოადგილის დავით ებრალიძის განცხადებით, მისი უწყების ბიუჯეტი 5 მილიონი ლარით შემცირდება. ამის შესახებ ებრალიძემ მთავრობის სხდომის დასრულების შემდეგ ჟურნალისტებთან განაცხადა.
ებრალიძე ვერ აკონკრეტებს, თუ რა მიმართულებით შემცირდება მისი უწყების ხარჯები, თუმცა, ამბობს, რომ ეს კაპიტალურ ხარჯებს არ შეეხება.
„ეს იქნება მიმდინარე ხარჯები. ამ ეტაპზე, შემიძლია გითხრათ, რომ ეს კაპიტალურ ხარჯებს არ აკლდება, აკლდება მხოლოდ მიმდინარე ხარჯებს, დაახლოებით, ეს არის 5 მილიონი ლარი“, - განაცხადა ებრალიძემ.
შეგახსენებთ, შს სამინისტროს ბიუჯეტი 15 მილიონით შემცირდა.
საერთო ჯამში კი, ბიუჯეტი მიმდინარე ხარჯების მიმართულებით, დაახლოებით, 140 მილიონი ლარით მცირდება.
