თავდაცვის სამინისტრო დაახლოებით ნახევარ მილიონს დაზოგავს. როგორც მინისტრმა თინა ხიდაშელმა ჟურნალისტებთან განაცხადა, ბიუჯეტის შემცირება მანქანების და რბილი ავეჯის შეძენაზე უარის ხარჯხე მოხდება. მისივე თქმით, მსგავსი ხარჯების შეცვლა, სხვა მნიშვნელოვანი აუცილებლობისთვის, ისედაც მოხდებოდა.
" სიმართლე გითხრათ, ჯერ არ მინახავს, მაგრამ ვიცი, რომ უკვე დაასრულეს ამ თემაზე სამუშაოები. თავდაცვის სამინისტრომ აიღო ვალდებულება, თუკი არის ბიუჯეტში რაიმე გაწერილი ისეთი ტიპის, რომელსაც მაინცდამაინც არ ვიზიარებდი ხოლმე - ახალი მანქანების, რბილი ავეჯის შეძენას ან რაიმე მსგავსს, ამას რა თქმა უნდა მოვჭრით, ამას ისედაც მოვჭრიდით, უბრალოდ სხვა რამეზე შეიძლებოდა გამოყენება. თუმცა, რადგან საუბარია ბიუჯეტის კორექტირებაზე, მზად ვართ ამისთვის", - აღნიშნა ხიდაშელმა და დასძინა, რომ განსაკუთრებული შემცირება თავდაცვის სამინისტროს არ შეეხება, ვინაიდან ყველა რესურსი, რომელიც თავდაცვის სამინისტროს ეკონომიის ხარჯზე აქვს, გადასასროლია იმ ინფრასტრუქტურულ პროექტებზე, რომელიც არ იყო ბიუჯეტით გათვალისწინებული და ახლა შესაძლებელია გათვალისწინება.
უწყებებმა შემცირებული ხარჯები მთავრობის მეთაურს 10 ივნისამდე უნდა წარუდგინონ.
