კოდორის ხეობაში პრეზიდენტის ყოფილი რწმუნებული ემზარ კვიციანი შესაძლოა დღეს სასამართლო დარბაზიდან გაათავისუფლონ.
ადვოკატის განმარტებით, საპროცესო შეთანხმებაზე ინიციატივა თავად პროკურატურისგან მოდის და იმ შემთხვევაში, თუ შეთანხმება ქუთაისის სააპელაციო სასამართლომ დაამტკიცა, კვიციანი საპატიმროს დატოვებს.
,,საპროცესო შეთანხმებაზე ინიციატივა თვითონ პროკურატურისგან მოდის. ეს შეთანხმება ითვალისწინებს ემზარ კვიციანისთვის 11-თვიანი რეალური სასჯელის მოხსნას. ეს 11 თვე უკვე გასულია და თუ შეთანხმება, და სავარაუდოდ ასეც იქნება, ქუთაისის სააპელაციო სასამართლომ დაამტკიცა, ემზარ კვიციანი პატიმრობიდან გათავისუფლდება", - განაცხადა ჟურნალისტებთან ადვოკატმა ალექსანდრე კობაიძემ.
ქუთაისის სააპელაციო სასამართლოს სხდომა 15:30 საათზე გაიმართება.
შეგახსენებთ, რომ სახელმწიფო გადატრიალების მცდელობაში ბრალდებულ ყოფილ რწმუნებულს წლიანი პატიმრობა აქვს მისჯილი.
მასალის გამოყენების პირობები
