პრეზიდენტ გიორგი მარგველაშვილის განცხადებით, საიას ყოფილი თავმჯდომარე და უკვე მისი მრჩეველი ადამიანის უფლებებისა და მართლმსაჯულების საკითხებში კახა კოჟორიძე კვალიფიციური სპეციალისტია და მისი მუშაობა პრეზიდენტის ინსტიტუტის გაძლიერებას წაადგება.
,,პრეზიდენტის ადმინისტრაცია და ინსტიტუტი ძლიერდება ისეთი კვალიფიციური სპეციალისტებით როგორიც არის ბატონი კახაბერ კოჟორიძე. ბატონ კახას განხორციელებული აქვს შთამბეჭდავი მოღვაწეობა როგორც იურისტს, როგორც საის-ს თავმჯდომარეს, მივესალმები მის ჩართვას პრეზიდენტის ინსტიტუტის თვალსაზრისით და მის მოღვაწეობას აქ", _განაცხადა მარგველაშვილმა.
პრეზიდენტმა ასევე გიორგი აბაშიშვილს გაწეული ნაყოფიერი საქმიანობისთვის მადლობა გადაუხადა.
პრეზიდენტის ადმინისტრაციაში საკადრო ცვლილებები განხორციელდა. კერძოდ, პრეზიდენტის გიორგი მარგველაშვილის მრჩევლად ადამიანის უფლებებისა და მართლმსაჯულების საკითხებში საია-ს ყოფილი თავმჯდომარე კახა კოჟორიძე დაინიშნა.
ხოლო პრეზიდენტის ეკონომიკური მრჩეველი გიორგი აბაშიშვილი, პრეზიდენტის ადმინისტრაციის უფროსის, დავით პატარაიას მოადგილედ დაინიშნა.
