ადამიანის უფლებათა დაცვის კომიტეტი დღეს რეალურად წარმოადგენს შინაგან საქმეთა სამინისტროს ლობისტ კომიტეტს, - განაცხადა "სისხლის სამართლის კოლექსში" დაგეგმილ ცვლილებებთან დაკავშირებით პარლამენტის წევრმა "თავისუფალი დემოკრატებიდან ნინო გოგუაძემ. მისი შეფასებით, პარლამენტში ადამიანის უფლებათა დაცვის კომიტეტი არ არსებობს.
"ეს ცვლილებები შინაგან საქმეთა სამინისტროს პირდაპირი ლობირებაა. განვიცდი, რომ ამ ინიციატივის ერთ-ერთი ავტორი არის ადამიანის უფლებათა დაცვის კომიტეტის თავმჯდომარის მოადგილე", - განაცხადა ნინო გოგუაძემ და აღნიშნა, რომ დაგეგმილი ცვლილებების შესახებ ინიციატივა დაუჯერებელია იმ ძალისგან, რომელიც ხელისუფლებაში მოვიდა დემოკრატიული და სამართლებრივი სახელმწიფოს აშენების ეგიდით.
შეგახსნებთ, რომ "სისხლის სამართლის კოდექსში" დაგეგმილი ცვლილებები გადაუდებელი აუცილებლობის დროს ჩატარებული ჩხრეკა-ამოღებისას, გამომძიებლის მიერ დადგენილების გამოტანის გაუქმების ინიციატივას გულისხმობს.
