ესტონეთის პრემიერმა მთავრობის ადმინისტრაციაში გამართულ პრესკონფერენციაზე საქართველოს ტერიტორიული მთლიანობისადმი მხარდაჭერა კიდევ ერთხელ დააფიქსირა და აღნიშნა, რომ არავის საქართველოს ხარჯზე არ შეუძლია გადაწყვიტოს, რომ რომელიმე ნაწილი სხვა ქვეყანასთან უნდა იყოს.
,,ესტონეთი სრულ მხარდაჭერას უცხადებს საქართველოს ტერიტორიულ მთლიანობას და ყოველგვარი ეჭვის გარეშე საქართველოს ტერიტორიული მთლიანობა მოიცავს სამხრეთ ოსეთსა და აფხაზეთს. არავის საქართველოს ხარჯზე არ შეუძლია გადაწყვიტოს, რომ რომელიმე ნაწილი სხვა ქვეყანასთან უნდა იყოს. მხოლოდ საქართველომ უნდა გადაწყვიტოს თავისი გზა და არავინ სხვამ. ჩვენ მტკიცედ ვდგავართ თქვენი ტერიტორიული მთლიანობის დაცვის საკითხში და ძალიან მნიშვნელოვანია ამის ხაზგასმა", -განმარტა ესტონეთის პრემიერმა ქართველ კოლეგასთან შეხვედრის შემდეგ.
