ესტონეთის პრემიერის ტაავი რიივასის განცხადებით, ორი ქვეყანა უკვე დიდი ხანია მრავალი მიმართულებით საკმაოდ კარგად თანამშრომლობს. როგორც ტაავი რიივასმა განმარტა საქართველო და ესტონეთი არა მხოლოდ პარტნიორები არამედ კარგი მეგობრებიც არიან.
,,საქართველო და ესტონეთი არა მხოლოდ პარტნიორები გახლავთ სხვადასხვა მიმართულებით, არამედ ჩვენ მეგობრებიც გახლავართ. ჩვენ კარგი თანამშრომლობა ჩამოვაყალიბეთ სხვადასხვა მიმართულებით, ფილმების გადაღებების მხრივაც ", _განაცხადა ესტონეთის პრემიერმა.
ესტონეთის პრემიერმა საქართველოს ევროკავშირში ინტეგრაციის გზაზე მხარდაჭერა კიდევ ერთხელ დაუდასტურა.
,,უკვე შევთანხმდით იმაზე, რომ მრავალი მიმართულებით ჩვენ შევთავაზებთ საქართველოს მხარდაჭერას, საექსპერტო ცოდნას რაც საქართველოს ესაჭიროება. ამას ჩვენ ჩვენს მოვალეობათ ვთვლით", _განმარტა ტაავი რიივასმა.