საქართველოს თავდაცვის ყოფილი მინისტრი, ირაკლი ალასანია, ფიქრობს, რომ საქართველოში რუსულმა იდეოლოგიამ იმძლავრა.როგორც ,,რუსთავი-2"-თან საუბარში ალასანიამ განაცხადა ქვეყანაში უსაფრთხოების სამსახურების მუშაობა სუსტია და კონტრდაზვერვითი სამუშაოები არ ხორციელდება.
„ ძალიან მნიშვნელოვნად მიმაჩნია რატომ არ არის ქვეყანაში უსაფრთხოების სამსახურები იმ საქმიანობით დაკავებული რასაც ჰქვია კონტრდაზვერვის საქმიანობა. რატომ იმძლავრა ასე ძალიან მათ შორის მედიაში რუსული იდეოლოგიის გამტარებელმა ორგანიზაციებმა, ამ ყველაფერს უსაფრთხოების სამსახურები უნდა იკვლევდნენ. აქედან გამომდინარე 2015 წელი წყალგამყოფი იქნება", _აცხადებს ალასანია.
ალასანია ფიქრობს, რომ საქართველოს ევროპული მომავალი ქართულ ჯარზეა დამოკიდებული.
„ჯარი, რომელიც საქართველოს დასაცავად მუდმივად მზად არის, მთავარი განმსაზღვრელი ფაქტორია საქართველოს ევროპული მომავლის. მე ვაკვირდები და მომავალშიც დავაკვირდები თავდაცვის სამინისტროში მიმდინარე პროცესებს,"- აცხადებს ირაკლი ალასანია.
მისივე განმარტებით, 2015 წელი საქართველოსთვის წყალგამყოფი იქნება.