სახალხო დამცველი უჩა ნანუაშვილი მწუხარებას გამოთქვამს თბილისში, ყოფილი სამხედრო ჰოსპიტალის შენობაში მომხდარ უბედურ შემთხვევასთან დაკავშირებით და სამძიმარს უცხადებს გარდაცვლილის ოჯახის წევრებს. 2014 წლის 28 დეკემბერს, შენობაში გაჩენილი ხანძრის შედეგად 7 წლის ბავშვი გარდაიცვალა.როგორც ,,ჯი-ეიჩ-ენს" ომბუდსმენის აპარატიდან აცნობეს საქართველოს სახალხო დამცველის აპარატი სწავლობს თბილისში, ყოფილი ისნის სამხედრო ჰოსპიტალში მცხოვრები სოციალურად დაუცველი ოჯახების საცხოვრებლის პრობლემას.
სახალხო დამცველის რწმუნებულები 5 დეკემბრიდან აკვირდებოდნენ დევნილი და სოციალურად დაუცველი ოჯახებისაგან შენობის გამოთავისუფლების პროცესს. აღნიშნულთან დაკავშირებით სახალხო დამცველმა განცხადება გაავრცელა 2014 წლის 8 დეკემბერს.
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მიერ ბინის ქირის გადახდის შეთავაზების შემდეგ დევნილთა უმრავლესობამ ტეროტორია დატოვა. რაც შეეხება სოციალურად დაუცველ მოსახლეობას, როგორც სახალხო დამცველის აპარტის განცხადებაშია მითითებული თბილისის მერიასა და ისნის რაიონის გამგეობასთან წარმოებული მოლაპარაკებების მიუხედავად, შეთანხმება ვერ მოხერხდა.
საქართველოს სახალხო დამცველის აპარატმა თბილისის ისნის რაიონის გამგეობიდან წერილობით გამოითხოვა ინფორმაცია აღნიშნულ შენობაში მცხოვრები სოციალურად დაუცველი ოჯახების დახმარების მიზნით გატარებული ღონისძიებების, ასევე, მათი საჭიროებების შესახებ, რაზეც ამ ეტაპზე პასუხი არ მიგვიღია.
„სოციალური დახმარების შესახებ" საქართველოს კანონის მიხედვით, ადგილობრივი თვითმმართველობის ორგანოების ვალდებულებაა უსახლკარო პირთა თავშესაფრით უზრუნველყოფა, ისევე, როგორც უსახლკარო პირთა რეგისტრაცია. ადგილობრივი თვითმმართველობების მიმართ, საქართველოს სახალხო დამცველის არაერთი რეკომენდაცია სწორედ ამ კანონისმიერი ვალდებულებების შესრულებას შეეხება, რომელიც დღემდე შესრულებული არ არის. არაერთ მუნიციპალურ ერთეულში პრობლემად რჩება სხვადასხვა სახელმწიფო თუ ადგილობრივი თვითმმართველობის საკუთრებაში არსებული შენობების, სოციალურად დაუცველი/უსახლკარო ადამიანების მიერ დაკავების ფაქტი, რომელთა უმრავლესობაში ცხოვრებისათვის გაუსაძლისი პირობებია. აღნიშნული კიდევ ერთხელ უსვამს ხაზს იმას, რომ სახელმწიფოში არ არსებობს განსახლების პოლიტიკა.
საქართველოს სახალხო დამცველი განმეორებით მოუწოდებს თბილისის მერიასა და თბილისის ისნის რაიონის გამგეობას კოორდინირებულად შეისწავლონ თბილისში, ყოფილი ისნის სამხედრო ჰოსპიტალში მცხოვრები სოციალურად დაუცველი ოჯახების უსახლკარობის ფაქტი და მიიღონ ყველა შესაძლო ზომა მათთვის სათანადო დახმარების, მათ შორის, ადეკვატური თავშესაფრით უზრუნველყოფის მიზნით.
სახალხო დამცველი ყოფილი სამხედრო ჰოსპიტალის შენობაში 7 წლის ბავშვი გარდაიცვალებასთან დაკავშირებით განცხადებას ავრცელებს
სახალხო დამცველი უჩა ნანუაშვილი მწუხარებას გამოთქვამს თბილისში, ყოფილი სამხედრო ჰოსპიტალის შენობაში მომხდარ უბედურ შემთხვევასთან დაკავშირებით და სამძიმარს უცხადებს გარდაცვლილის ოჯახის წევრებს. 2014 წლის 28 დეკემბერს, შენობაში გაჩენილი ხანძრის შედეგად 7 წლის ბავშვი გარდაიცვალა.როგორც ,,ჯი-ეიჩ-ენს" ომბუდსმენის აპარატიდან აცნობეს საქართველოს სახალხო დამცველის აპარატი სწავლობს თბილისში, ყოფილი ისნის სამხედრო ჰოსპიტალში მცხოვრები სოციალურად დაუცველი ოჯახების საცხოვრებლის პრობლემას.
სახალხო დამცველის რწმუნებულები 5 დეკემბრიდან აკვირდებოდნენ დევნილი და სოციალურად დაუცველი ოჯახებისაგან შენობის გამოთავისუფლების პროცესს. აღნიშნულთან დაკავშირებით სახალხო დამცველმა განცხადება გაავრცელა 2014 წლის 8 დეკემბერს.
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მიერ ბინის ქირის გადახდის შეთავაზების შემდეგ დევნილთა უმრავლესობამ ტეროტორია დატოვა. რაც შეეხება სოციალურად დაუცველ მოსახლეობას, როგორც სახალხო დამცველის აპარტის განცხადებაშია მითითებული თბილისის მერიასა და ისნის რაიონის გამგეობასთან წარმოებული მოლაპარაკებების მიუხედავად, შეთანხმება ვერ მოხერხდა.
საქართველოს სახალხო დამცველის აპარატმა თბილისის ისნის რაიონის გამგეობიდან წერილობით გამოითხოვა ინფორმაცია აღნიშნულ შენობაში მცხოვრები სოციალურად დაუცველი ოჯახების დახმარების მიზნით გატარებული ღონისძიებების, ასევე, მათი საჭიროებების შესახებ, რაზეც ამ ეტაპზე პასუხი არ მიგვიღია.
„სოციალური დახმარების შესახებ" საქართველოს კანონის მიხედვით, ადგილობრივი თვითმმართველობის ორგანოების ვალდებულებაა უსახლკარო პირთა თავშესაფრით უზრუნველყოფა, ისევე, როგორც უსახლკარო პირთა რეგისტრაცია. ადგილობრივი თვითმმართველობების მიმართ, საქართველოს სახალხო დამცველის არაერთი რეკომენდაცია სწორედ ამ კანონისმიერი ვალდებულებების შესრულებას შეეხება, რომელიც დღემდე შესრულებული არ არის. არაერთ მუნიციპალურ ერთეულში პრობლემად რჩება სხვადასხვა სახელმწიფო თუ ადგილობრივი თვითმმართველობის საკუთრებაში არსებული შენობების, სოციალურად დაუცველი/უსახლკარო ადამიანების მიერ დაკავების ფაქტი, რომელთა უმრავლესობაში ცხოვრებისათვის გაუსაძლისი პირობებია. აღნიშნული კიდევ ერთხელ უსვამს ხაზს იმას, რომ სახელმწიფოში არ არსებობს განსახლების პოლიტიკა.
საქართველოს სახალხო დამცველი განმეორებით მოუწოდებს თბილისის მერიასა და თბილისის ისნის რაიონის გამგეობას კოორდინირებულად შეისწავლონ თბილისში, ყოფილი ისნის სამხედრო ჰოსპიტალში მცხოვრები სოციალურად დაუცველი ოჯახების უსახლკარობის ფაქტი და მიიღონ ყველა შესაძლო ზომა მათთვის სათანადო დახმარების, მათ შორის, ადეკვატური თავშესაფრით უზრუნველყოფის მიზნით.
