თავდაცვის მინისტრმა მინდია ჯანელიძემ მთავარობის სხდომის შემდეგ უკრაინაში დაღუპული ქართველი ჯარისკაცის ალექსანდრე გრიგალაშვილის ოჯახს მიუსამძიმრა და პირველი განმარტება გააკეთა მისი უწყების მიერ გაკეთებულ განცხადებაზე.
,,ჩვენ გარკვეული პაუზა გავაკეთეთ კომენტართან დაკავშირებით, რადგან მხედველობაში მივიღეთ ოჯახის პოზიცია, რადგან არ გვინდოდა ისედაც დაძაბული ფონის კიდევ უფრო დაძაბვა და პოლიტიზირება. გარკვეული პერიოდის განმავლობაში თავი შევიკავეთ განცხადებების გაკეთებისგან. ჩვენ ვაღიარეთ ის შეცდომა, რომელიც ტექსტის მომზადების დროს იყო დაშვებული. ჩვენ ამას არ გავურბივართ. თუმცა ამან ჩვენს არაკეთილმოსურნეებს საშუალება მისცა, პირველ რიგში „ნაციონალურ მოძრაობას", რომ მანიპულირება მოეხდინათ განცხადებასთან დაკავშირებით, ინტერპრეტირება მოეხდინათ საკუთარი შეხედულებისამებრ და არასწორი ინფრომაცია მიეწოდებინათ საზოგადოებისთვის. ამან გარკვეული ვნებათაღელვა გამოიწვია, რაზეც ვწუხვარ, თუმცა მინდა ვთქვა, რომ ეს შეცდომა დანაშულია, გაანალიზებულია და გამოსწორებულია. მომავალში მსგავსი შეცდომები აღარ დაიშვება", - განაცხადა ჯანელიძემ.
