ვიცე-პრემიერი კახა კალაძე სამართლიანობის აღდგენის მიზნით პროკურატურაში სპეციალური დეპარტამენტის შექმნას პოზიტიურად აფასებს და განმარტავს, რომ სპეციალურმა ჯგუფმა ამ ადამიანების დასახმარებლად უნდა იმუშაოს
,, უნდა მოხდეს ყველა ყველა დაზარალებული პირის აღწერა, შესაბამისი ჯგუფების შექმნა და შესაბამისად სახელმწიფო მაქსიმალურად უნდა ეცადოს, რომ აუნაზღაუროს, ან დაუბრუნოს მათ წართმეული ქონებები", _განაცახდა ვიცე-პრემიერმა.
პრემიერ-მინისტრი სამართლიანობის აღდგენის პროცესზე საუბრობს და აცხადებს, რომ მაქსიმუმ თებერვლამდე ხელისუფლება საზოგადოებას წარუდგენს გეგმას თუ როგორ მოხდება სამართლიანობის აღდგენა იმ პირების მიმართ, რომლებზეც ბოლო 2 წლის განმავლობაში პროკურატურაში საჩივარი შევიდა. Pპრემიერის განმარტებით, საუბარია ჩამორთმეულ ქონებასა და ბიზნესზე, რეპრესირებულ ადამიანებზე, რომლებიც აცხადებენ, რომ ისინი უკანონოდ იხდიდნენ სასჯელს და იყვნენ არაადამიანური მოპყრობისა და წამების მსხვერპლი.
,,მაქსიმუმ თებერვლამდე საზოგადოებას წარვუდგენთ გემას თუ როგორ მოხდება სამართლიანობის აღდგენის პროცესის დასრულება. ეს იქნება საკმაოდ ხანგრძლივი პროცესი. არ მინდა დეტალებში შევიდე, მაგრამ საკმაოდ შრომატევადი იყო საქმიანობა, როემლიც პროკურატურამ ჩაატარა ამ წლების განმავლობაში. განსაკუთრებით დაჩქარდა პროცესი ბოლო პერიოდში რისთვისაც მადლობა მინდა გადავუხადო მათ. პროკურატურაში შეიქმნება ქონების დეპარტამენტი ან ჯგუფი, რომელიც იმუშავებს დაზარალებული მოქალაქეებისათვის ქონების დაბრუნებასთან დაკავშირებით. თებერვლამდე ჩვენ წარვუდგენთ გეგმას საზოგადოებას და ვეტყვით დაზარალებულებს, თუ როგორ მოხდება დაკარგული ქონების კონპენსაცია," - განაცხადა ირაკლი ღარიბაშვილმა.
