კულტურისა და ძეგლთა დაცვის მინისტრი მიხეილ გიორგაძე დამდეგ 2015 წელს რიყეზე ღია ცის ქვეშ შეხვდება, სადაც მთავარი გალა-კონცერტი გაიმართება.
,,ახალ წელს შევხვდები რიყეზე ღია ცის ქვეშ, სადაც კონცერტი იქნება და საკუთარი თვალით ვნახავ როგორ მიმდინარეობს. დარწმუნებული ვარ, ძალიან კარგი და საინტერესო იქნება", _განმარტა ჟურნალისტებთან მინისტრმა.
კულტურის მინისტრი 2014 წელს მისი უწყების მიერ ერთ-ერთ წარმატებულ პროექტთა ნუსხაში ,,მუცოს" პროექტს მიიჩნევს.
,,კულტურისა და ძეგლთა დაცვის მიმართულებით, მნიშვნელოვანია ნაბიჯები გადაიდგა და შესაბამისი სამუშაოები ჩატარდა. მათ შორისა ყველაზე ბოლოს რაც განხორციელდა ესაა ,,მუცოს პროექტი", იგივე ვარძიის გადაუდებელი გადარჩენის სამუშაოები იუნესკოს ყველა სტანდარტის დაცვით. ამასთან მიმდინარეობს მცხეთის გენერალური გეგმის შემუშავება იუნესკოსთან ერთად", _განამარტა გიორგაძემ.
ამასთან კულტურისა და ძეგლთა დაცვის მინისტრი მიხეილ გიორგაძე მიჩნევს, რომ ხელისუფლებისთვის ერთ-ერთი მთავარი სირთულე 2014 წელს ლარის კურსის დარეგულირება იყო.
,, ყველაზე რთული ბოლო ხანებში ლარის კურსის დარეგულირების პროცესი იყო. ვფიქრობ, მთავრობა ყველაფერს აკეთებს, იმისთვის რომ ეს ყველაფერი გარკვეულ კონტროლს ექვემდებარებოდეს", _განაცხადა კულტურის მინისტრმა.
