უკვე აღარ არის საჭირო ასეთი კინკლაობა ღია ეთერებში. ჩვენ, ორივემ დავაფიქსირეთ ჩვენი პოზიციები პრივატულ საუბარშიც და საჯაროდაც, - ასე უპასუხა "თავისუფალი დემოკრატები"-ს ლიდერმა თავდაცვის ყოფილმა მინისტრმა ირაკლი ალასანიამ ყოფილ პრემიერ-მინისტრ ბიძინა ივანიშვილის მიერ გუშინ, ჟურნალისტებთნ გაკეთებულ განცხადებას.
"უკვე აღარ არის საჭირო ასეთი კინკლაობა ღია ეთერებში. ჩვენ, ორივემ დავაფიქსირეთ ჩვენი პოზიციები პრივატულ საუბარშიც, საჯაროდაც და ახლა საჭიროა, გავიხედოთ მომავალში და გამოვასწოროთ ის შეცდომები, რომლებიც ქვეყანას გახდის უფრო დემოკრატიულს" - განაცხადა ალასანიამ. "თავისუფალი დემოკრატების" მთავარი პოლიტიკური საყრდენი იქნება შეთავაზებები და ხარვეზები, რომლებიც დღეს აქვს ხელისუფლებას, გამოვასწორებინებთ", - განაცხადა ალასანიამ.
ეს განცხადება ალასანიამ სამხრეთ კავკასიაში ნატო-ს გენერალური მდივნის სპეციალურ წარმომადგენლთან ჯეიმს აპატურაისთან შეხვედრის შემდეგ გააკეთა.
ყოფილმა პრემიერმა ბიძინა ივანიშვილმა ჟურნალისტებს განუცხადა, რომ ირაკლი ალასანია უპასუხისმგებლო განცხადებებს აკეთებს და განმარტავს, რომ მსგავსი ტიპის განცხადებას ,,ნაციონალებიც" აკეთებდნენ.
ივანიშვილმა ალასანიას მენეჯმენტი დაუწუნა და სამეგრელოში წაგებული არჩევნები კიდევ ერთხელ გაიხსნა.
"ასეთ უმეცარ განცხადებებს ჩემთან დაკავშირებით „ნაციონალებიც" აკეთებდნენ. თუ ალასანიამ ეს სერიოზულად თქვა, მან არ იცის, რას ნიშნავს მართვა და მენეჯმენტი. სწორედ მენეჯმენტში ჰქონდა პრობლემები მინისტრობის დროს და ამაზე მასთან ხშირად მქონდა საუბარი. შევახსენებ იგივე ჯარისკაცების მოწამვლის ფაქტებს და ჩაშლილ ტენდერებს. სამეგრელოში წაგებულ არჩევნებთან დაკავშირებით დღემდე მაქვს კითხვა, რა მოხდა. საწყენია, რომ გუშინდელი პარტნიორები დაუფიქრებელ განცხადებებს აკეთებენ", - განაცხადა ჟურნალისტებთან ივანიშვილმა.
