საქართველოს თავდაცვის სამინისტროს ორ დეპარტამენტს, საქართველოს ინფორმაციულ-საკომუნიკაციო ბიზნეს საბჭოსგან სერთიფიკატი გადაეცა.
თავდაცვის სამინისტროს საინფორმაციო ტექნოლოგიების და შეიარაღებული ძალების გენერალური შტაბის ფსიქოლოგიური შერჩევისა და მონიტორინგის დეპარტამენტებმა სერთიფიკატი ყველაზე წარმატებული IT ინოვაციისთვის მიიღეს.
სამინისტროს ინფორმაციით, აღნიშნულმა დეპარტამენტებმა, შეიმუშავეს ფსიქოლოგიური შემოწმებისა და რეკრუტირების ელექტრონული პროგრამა. პროგრამა სრულად უზრუნველყოფს რეკრუტირებისა და ფსიქოლოგიური შემოწმების პროცესს ელექტრონული მოდულების გამოყენებით. ასევე, მინიმუმამდე დაჰყავს სამხედრო მოსამსახურის ფსიქოლოგიური შემოწმების ხანგრძლივობა და ზრდის შემოწმების ეფექტურობას.
აღნიშნული ინოვაცია საქართველოში პირველად იქნა შემუშავებული.
