უკრაინის პრეზიდენტის პეტრო პოროშენკომ რეფორმების 60 პუნქტიანი გეგმა შეიმუშავა. როგორც პრეზიდენტმა განმარტა, "უკრაინა 2020"-ში აღნიშნულია, რომ უკრაინა ევროკავშირში წევრობაზე ოფიციალურ განაცხადს 6 წლის შემდეგ გააკეთებს.
"პროგრამა 60-მდე რეფორმას ითვალისწინებს, რომელთა აღსრულება უკრაინას მოამზადებს იმისათვის, რომ ქვეყანამ 6 წლის შემდეგ ევროკავშირში წევრობაზე განაცხადი გააკეთოს", - განაცხადა მან.
პოროშენკომ გასატარებელი რეფორმებიდან, ყველაზე მნიშვნელოვან რეფორმად, ქვეყნის სასამართლო სისტემაში გასატარებელი რეფორმა დაასახელა.
