პარლამენტის ვიცე-სპიკერის ზვიად ძიძიგური მიიჩნევს, რომ თუ საქართველოს ყოფილ პრეზიდენტს მიხეილ სააკაშვილს სასამართლო გამამტყუნებელ განაჩენს გამოუტანს და დააპატიმრებენ იგი გიორგი მარგველაშვილმა უნდა შეიწყალოს. როგორც ძიძიგურმა ჟურნალისტებთან განაცახდა სააკაშვილის დაპატიმრება ქვეყნის იმიჯზე ნეგატიურად იმოქმედებს, თუმცა თუ კაცს დანაშაული აქვს ჩადენილი და მისი გამოძიება არ მოხდება, ეს კიდევ უფრო აზარალებს ქვეყანას.
"თუ სასამართლო მიხეილ სააკაშვილს გაამტყუნებს და მისი დაპატიმრება, როგორც ყოფილი პრეზიდენტისა, ქვეყნისთვის პოლიტიკურად დამაზარალებელი იქნება, არსებობს შეწყალების მექანიზმი. ვფიქრობ, ასეთ შემთხვევაში ეს მექანიზმი უნდა იქნას ამოქმედებული და პრეზიდენტმა გიორგი მარგველაშვილმა ექსპრეზიდენტი მიხეილ სააკაშვილი შეიწყალოს. თუ კაცს დანაშაული აქვს ჩადენილი და მისი გამოძიება არ მოხდება, კიდევ უფრო აზარალებს ქვეყანას", - აცხადებს ძიძიგური.
