„დონეცკსა და ლუგანსკში ომის წარმოება მხოლოდ და მხოლოდ სამხედრო მეთოდებით შეუძლებელია"_ განაცხადა უკრაინის პრეზიდენტმა პეტრო პოროშენკომ უკრაინული არსებისათის მიცემულ დიდ ინტერვიუში.
"არავის აქვს არავითარი ილუზია - ჩვენ ვერ შევძლებთ ამ ქალაქებში რამდენიმე ბატალიონისა და სამხედროების შეყვანას და სიტუაციის დალაგებას. ჩვენ უბრალოდ ამის გაკეთების საშუალებას არ მოგვეცემენ",_ განაცხადა პოროშენკომ.
„რაც უფრო მეტი იქნება იუკრაინული ჯარი, მით უფრო მეტი იქნება რუსული ჯარი... ჩვენ მოგება მხოლოდ მშვიდობით შეგვიძლია",_ განაცხადა პრეზიდენტმა და აღნიშნა, რომ უკრაინამ ჯარი უნდა გააძლიეროს იმ შემთხვევისათვის „თუ სამშვიდობო გეგმა ვერ იმუშავებს".
ამასთან ერთად პოროშენკო აღნიშნავს, რომ დონბასში სიტუაცია თანდათან უმჯობესდება.
„ჩვენ ამ ორნახევარი კვირის განმავლობაში, როგორც იქნა მოგვეცა საშუალება უკან გაგვეყვანა ის ნაწილები, რომლებიც იქ საკმაოდ დიდი ხნის განმავლობაში იმყოფებოდნენ როტაციისა და ბრძოლისუნარიანობის ამაღლებისათვის",_ განაცხადა მან.
პრეზიდენტის მონაცემებით, უკრაინის სამხრეთ აღმოსავლეთ ნაწილში ბრძოლების შედეგად განადგურებულია სამხედრო ტექნიკის 65 %, თუმცა ეს დანაკარგი უკვე ამოვსებულია.
ამას გარდა, უკრაინის პრეზიდენტმა ასევე განაცხადა, რომ უკრაინას უცხოური სახელმწიფოებისაგან არ მიუღია ლეტალური იარაღი, იმიტომ, რომ მისი ნაკლებობა არ არსებობს.
„ჩვენ გვაქვს ტყვიამფრქვევები, ტანკები, ზალპური სისტემის იარაღები, რაკეტები, არტილერია და ყველაფერი სხვა დანარჩენი რაც ჩვენ საშუალებას გვაძლევს ამხელა სიგრძის ფრონტის ხაზი გვეკავოს",_ განაცხადა პოროშენკომ.
„ომის წარმოება დონეცკსა და ლუგანსკში მხოლოდ და მხოლოდ სამხედრო მეთოდებით შეუძლებელია",_ აცხადებს პრეზიდენტი და აღნიშნავს, რომ უკრაინულ ჯარს მართლაც ჰქონდა ნაკლებობა სამხედრო აღჭურვილობისა და სხვა და სხვა მოწყობილობებისა.
„ჩვენ უნდა მივიღოთ და მივიღეთ ყველაფერი რაც ჩვენთვის აუცილებელია: სადაზვერვო, რადარული და სხვა მოწყობილობები, რავ საშუალებას მოგვცემს ჩვენი იარაღის აფაქტურობა აფობით გავზარდოთ და მისი მოდერნიზირება მოვახდინოთ და ეს იქნება არა მხოლოდ აშშ-ს მხრიდან",_ განაცხადა უკრაინის პრეზიდენტმა.
პეტრო პოროშენკომ ასევე განაცხადა, რომ დონბასის რიგ რაიონებს „განსაკუთრებული სტატუსით" პერიმეტრზ უკრაინელი მესაზღვრეები გააკონტროლებენ. ეს ზომა, პრეზიდენტის თქმით, აუცილებელია იმისათვის, რომ კონფლიქტის გავრცელება თავიდან იქნეს აცილებული.
