ინტერვიუში, რომელიც უკრაინის გაზეთ „კიევ თაიმს"-შია გამოქვეყნებული, ფსიქიატრი თინა ბერაძე აცხადებს, რომ რუსეთის პრეზიდენტი ვლადიმერ პუტინი სულიერად ჯანმრთელი, იმავდროულად კი საშიში პიროვნებაა და იგი შეცდომებს არ უშვებს. ექსპერტის თქმით, პუტინს ზუსტი მიზანი აქვს - საბჭოთა იმპერიის აღდგენა და ამ მიზნის შესასრულებლად ბოლომდე იბრძოლებს - მანამ, სანამ საქართველო და უკრაინა უარს არ განაცხადებენ ევროინტეგრაციულ კურსზე.
„თინა ბერაძე საქართველოშია დაბადებული და გაზრდილი, მაგრამ 2003 წლის ნოემბერში, როცა საქართველოში „ვარდების რევოლუცია" მოხდა, იგი სამშობლოში არ იმყოფებოდა, - აშშ-ში სწავლობდა და მუშაობდა. 2003 წლიდან პატარა, მაგრამ ამაყ საქართველოს თავისი სიამაყე არ დაუკარგავს, მაგრამ უფრო პატარა გახდა - რუსეთმა მისი ტერიტორიები - აფხაზეთი და სამხრეთ ოსეთიის ოკუპირება მოახდინა და ოდესღაც აყვავებული რეგიონები დეპრესიულ და ღარიბ-ღატაკად გადაქცია. ეს ყველაფერი თინა ბერაძეს (და ყველა ჭეშმარიტ ქართველს) რუსეთისათვის ვერ უპატიებია. იგი დღეს უკრაინაში ცხოვრობს და ნათლად ხედავს, რომ ვლადიმერ პუტინი იგივე სცენარით მოქმედებს, რომელიც საქართველოში განახორციელა", - ნათქვამია ვრცელ პუბლიკაციაში.
„სანამ ვლადიმერ პუტინი ცოცხალია, ვერც საქართველო და ვერც უკრაინა ევროკავშირის წევრები ვერ გახდებიან. იგი ამისთვის ყველაფერს გააკეთებს. ევროკავშირის დაუწერელი კანონის თანახმად, ამ ორგანიზაციაში „ცხელი წერტილებისა" და ანექსირებული ტერიტორიების მქონე ქვეყნების მიღება არ ხდება. და მე კიდევ ვინმე დამიწყებს იმის მტკიცებას, რომ ვლადიმერ პუტინი შიზოფრენია სჭირს? მის მოქმედებაში მტკიცე ლოგიკაა გამოხატული", - ამბობს თინა ბერაძე. „ბოლო ხანებში მე არაერთხელ გავეცი პასუხი კითხვაზე - შიზოფრენიითა დაავადებული პუტინი თუ არა? საინტერესოა, რატომ არავინ მეკითხებოდა ამას მაშინ, როცა მან ჩემს სამშობლოს დიდი უბედურება მოუტანა და მეკითხებიან ახლა, უკრაინასთან მიმართებით, სადაც მე ვცხოვრობ? თუ პუტინს შიზოფრენიკად შევრაცხავთ, მაშინ მას მკურნალობა სჭირდება და შესაბამისად, ჰააგის ტრიბუნალი უნდა დავივიწყოთ. არადა, მას კაცობრიობის წინასე აქვს დანასაული ჩადენილი და უნდა გასამართლდეს".
ფსიქოთერაპევტი თვლის, რომ მინსკის მოლაპარაკების დროს ვლადიმერ პუტინის თვითკმაყოფილი ჩაცინება შეიძლება ასე გაიშიფროს: „ყველაფერი ისე გამოვიდა, როგორც მე მსურდა. თქვენ ვერ მაჯობებთ".
„დიდი რუსეთის იმპერიის" აღდგენისათვის ვლადიმერ პუტინმა გადაწყვიტა თავისი მოქალაქეების თვალში პრესტიჟი და ავტორიტეტი აიმაღლოს, მაგრამ ამას მისი საერთაშორისო რეპუტაცია შეეწირა, ამიტომაც მას რუსეთის მოსახლეობაში უმაღლესი რეიტინგი აქვს. მას მიაჩნია, რომ „დიდი რუსეთის იმპერია" შავი ზღვის გარეშე წარმოაუდგენელია, ამიტომაც უკრაინისა და საქართველოს ხელიდან არ უშვებს", - აცხადებს თინა ბერაძე.