კრემლმა უზარმაზარი შეცდომა დაუშვა, როდესაც რუსებსა და უკრაინელებს შორის სისხლითა და ღვარძლით სავსე ორმო გათხარა. განცხადება ამის შესახებ პოლონეთის პრეზიდენტმა ბრონისლავ კომოროვსკიმ გააკეთა.
„რუსეთმა თავისი ინტერესებიდან გამომდინარე საზარელი შეცდომა დაუშვა. მან გათხარა ორმო და ის სისხლით, ნეგატიური დამოკიდებულებით, სიძულვილით და უკრაინელებისათვის მიყენებული უსამართლობის გრძნობით აავსო.
არც ერთი უკრაინელი კიდევ დიდი ხნის განმავლობაში არ მიიღებს რუსეთის მოქალაქეების სიტყვებს მოძმე ერის შესახებ",_ განაცხადა პრეზიდენტმა.
მისივე თქმით, პოლონეთმა ნორმალურად მიიღო თავისუფალი ვაჭრობის შესახებ შეთანხმების ამოქმედების გადადება ერთი წლის ვადით, ეს ხომ კიევის ინიციატივით მოხდა.
პოლონეთის პრეზიდენტმა აღნიშნა, რომ ვარშავამ ყველაფერი უნდა გააკეთოს იმისათვის რათა კიევი დასავლურ სამყაროს დაუახლოვოს და ხაზგასმით აღნიშა ისიც, რომ ბრძოლა ევროპული მომავლისა და უკრაინის მთლიანობისათის ჯერ დასრულებული არ არის.
„უნდა ვიმოქმედოთ და გავიაზროთ, რომ დიდი ბრძოლა უკრაინის აღჩევანისათვის წავიდეს დასავლეთისკენ ჯერ კიდევ არ დასრულებულა, ისევე როგორც არ დასრულებულა ბრძოლა უკრაინის ტერიტორიული მთლიანობისათვის",_ განაცხადა კომოროვსკიმ.