,,ბოლო დროს მთავრობას კრიმინოგენული ვითარება გაექცა, ისინი ამას ვერ აკონტროლებენ. მომატებულია მძიმე დანაშაული და ამაზე ვსაუბრობთ არა მხოლოდ ჩვენ, არამედ არასამთავრობოები, ეს ფაქტი აწუხებთ მოქალაქეებს. ამაში დამნაშავეა არა მხოლო შს სამინისტრო, არამედ ხელისუფლების პოლიტიკა. იგივე, მაგალითად, ამნისტია, რომელსაც სახელად დაერქვა ,,გაგებით მოეკიდეთ". სხვადასხვა ზღაპრები, საბურავები ქვეყანაში კრიმინოგენულ ვითარებას ვერ გადაფარავს", _განაცხადა რატიანმა.

,,ჯი-ეიჩ-ენის" კითხვაზე შს მინისტრის განცხადება ემსახურება თუ არა ქვეყანაში კრიმინოგენული ვითარების გადაფარვას სერგო რატიანი პასუხობს:

,,სხვა საფუძველი შს მინისტრის განცხადებას არ აქვს. ჭიკაიძეს ყოველთვის როცა პრობლემა უჩნდება მას რატომღაც ზღაპრები ახსენდება", _განაცხადა ,,ჯი-ეიჩ-ენთან" საუბარში რატიანმა.

შს მინისტრის ალექსანდრე ჭიკაიძის განცხადებით, საქართველოს ყოფილ პრეზიდენტმა მიხეილ სააკაშვილმა კივსა და თურქეთში გამართულ შეხვედრებზე ,,ნაცმოძრაობის" წევრებსა და არასამთავრობო ორგანიზაციის ლიდერებს ქვეყანაში 500 კაციანი მობილური ჯგუფების შექმნა დაავალა რომლის მიზანი საქართველოს დესტაბილიზაცია იქნება.
,, ჩემთვის ცნობილია, რომ მიხეილ სააკაშვილმა მისცა კონკრეტული დავალება ,,ნაციონალური მოძრაობის" წევრებსა და არასამთავრობო ორგანიზაციის ლიდერებს. Eეს დავალებები გაიცა თურქეთისა და კიევის შეხვედრებზე. სააკაშვილს მიცემული აქვს დავალება, რომ შეიქმნას კარგად ორგანიზებული 500 კაციანი მობილური ჯგუფები. მათ უნდა იმოქმედონ პროვოკაციულად, მათ შორის პოლიციის თვალწინ. მოახდინონ პოლიციის პროვოცირება, შექმნან ფორსმაჟორული სიტუაციები, მოაწყონ აგრესიული საპროტესტო აქციები, სხვადასხვა თემების მანიპულირებით, როგორიცაა კრიმინოგენური ვითარება, სოციალური და ეკონომიკური საკითხები, რუსეთთან ურთიერთობა, გამოიყენონ დევნილთა პრობლემები, სტრატეგიული მნიშვნელობის ობიექტებზე მოახდინონ გაფიცვების პროვოცირება, შექმნან ქაოსური ვითარება, მათი მიზანია შექმნან ნეგატიური ფონი როგორც ქართულ საზოგადოებაში, ისე უცხოურ მედიაში და დიპლომატიურ საზოგადოებაში", - აცხადებს ჭიკაიძე ,,ალიასთან" ინტერვიუში.