„მინდა გითხრათ, რომ არც ერთი მაღალი პრემია არ არის გაცემული, მათ შორის პროკურატურაში", - ასე გამოეხმაურა ფინანსთა მინისტრი ნოდარ ხადური გავრცელებულ ინფორმაციას, რომლის მიხედვითაც პროკურატურაში 4 მლნ ლარამდე პრემიის გაცემა მოხდა.
ხადურის თქმით, როდესაც ჯამურ ციფრს ვაცხადებთ, შესაძლოა ამან მართლაც გამოიწვიოს განსაკუთრებული ყურადღება.
„როდესაც ჩვენ ვამბობთ, რომ 12 თანამშრომელმა 12 თვის განმავლობაში მიიღო 0,5 მლნ ლარი, თუ გადავიყვანთ ეს არის 3000 ლარი დარიცხული, ხოლო ხელზე გამოდის 2400 ლარი. ამიტომ კარგი იქნება თუ ვიტყვით, ერთმა ადამიანმა ერთ თვეში რა რაოდენობის პრემია აიღო"- აღნიშნა ხადურმა.
