საქართველოს პრეზიდენტი გიორგი მარგველაშვილი ყოფილი პრეზიდენტის მიხეილ სააკაშვილის დაკითხვაზე დაბარებას ეხმიანება და იმედს გამოთქვმს, რომ იგი გააცნობიერებს, რომ ის არის საქართველოს მოქალაქე და ამ ქვეყნის კანონებსა და წესებს უნდა დაემორჩილოს.
,, მახსოვს ეს გრძელი ეპოპეა დაბარების, შემდეგ ,,სკაიპის", შემდეგ ამ თემის ფართო გაშლის. დღესაც ვიცით, რომ საქართველოს ყოფილ პრეზიდენტს მოწმედ იბარებენ როგორც მე ვარ ინფორმირებული. Aარა მგონია, ეს იმ რიგის საკითხია რომელზეც ასეთი ვნებათაღელვა ბუნებრივია. პრეზიდენტები ყოველთვის არიან ყურადღების ქვეშ და ნებისმიერი კონტაქტი პრეზიდენტთან პოლიტიკურ ელფერს იძენს. Aამიტომ იმედი მაქვს, ერთი მხრივ, ექსპრეზიდენტი სააკაშვილი გააცნობიერებს, რომ ის არის საქართველოს მოქალაქე და ამ ქვეყნის კანონებსა და წესებს უნდა დაემორჩილოს. ხოლო მეორე მხრივ სამართალდამცავი ორგანოები იქნებიან უაღრესად ფრთხილი", _განაცხადა მარგველაშვილმა.
საქართველოს ყოფილი პრეზიდენტი Mმიხეილ სააკაშვილი მთავარ პროკურატურაში დაკითხვაზე დაიბარეს. იგი საგამოძიებო უწყებაში, ხვალ, 28 ივლისს 11:00 საათზე უნდა გამოცხადდეს.
პროკურატურისგან შესაბამისი უწყისი სააკაშვილის დედამ გიული ალასანიამ მიიღო. უწყისში განმარტებულია, რომ ყოფილი პრეზიდენტი საგამოძიებო ორგანოში მოწმის სტატუსითაა დაბარებული.
შეგახსენებთ, რომ სააკაშვილი რამდენიმე თვე რაც საქართველოში არ იმყოფება. იგი მთავარ პროკურატურაში მოიწმის სახით დასაკითხად 27 მარტსაც იყო დაბარებული, თუმცა არ გამოცხაადა.
