ანტიტერორისტული ძალები ლუგანსკის ოლქის ქალაქ ლისიჩანსკში შევიდნენ და ქალქის განაპირა რაიონებიც გაათავისუფლეს. ინფორმაციას ამის შესახებ „ტვიტერში" თავის გვერდზე უკრაინის უშიშროების საბჭოს მდივანი ანდრეი პარუბიი ავრცელებს.
„როგორც ჩემთვის არის ცნობილი ლისიჩანსკის შემოგარენში უკვე ლურჯ-ყვითელი დროშები ფრიალებს",_ წერს პარუბიი. აღსანიშნავია, რომ ბოევიკების ლიდერი იგორ სტრელკოვიც (გირკინი) ადასტურებს, რომ ბოევიკებმა ლისიჩანსკი დატოვეს.
თუმცა, სტრელკოვი ასევე აღნიშნავს, რომ ლისიჩანსკში ჯერ კიდევ რჩება „მცირე გარნიზონი", რომელიც "ანტიტერორისტულ ძალებს შეაფერხებს".
მასალის გამოყენების პირობები