საინფორმაციო სააგენტო „არმენპრესის" მიერ ორგანიზებული კონფერენციის „ნაციონალური საინფორმაციო სააგენტოები: ფასეულობები, ტენდენციები და თანამშრომლობა" - მონაწილე საქართველოს, ბელორუსისა და ბულგარეთის საინფორმაციო სააგენტოების დელეგაციებმა პირველი გაჩერება UWC „დილიჟან"-ში გააკეთეს.
მიზანი - არა მხოლოდ იმის წარდგენა, რომ სომხეთი ამ საერთაშორისო კოლეჯით დილიჟანში თავის განსაკუთრებულ ადგილს დაიკავებს მსოფლიოს საგანმანათლებლო რუკაზე, არამედ სხვა ქვეყნის წარმომადგენლებიც, პროგრესულ ფილოსოფიაზე დაფუძნებული ამ პროექტის თანამოაზრეები გამხდარიყვნენ.
საინფორმაციო სააგენტო „არმენპრესის" დირექტორის არამ ანანიანის თქმით, UWC „დილიჟან"-მრავალი ხალხის წარმომადგენელს აერთიანებს, „ამ სკოლაში ჩვენი ქვეყნის სიმბოლური საელჩოს ფორმირება ხდება".
„ეს ერთგვარი გადამდები პოზიტიური იდეაა, რომელიც შესანიშნავ იმიჯსა და ავტორიტეტს შექმნის იმ სახელმწიფოსათვის სადაც მისი რეალიზება ხდება. თანამედროვე მსოფლიოში მომავალი და ავტორიტეტი აქვთ იმ სოციუმებს, რომლებსაც ძალუძთ საკუთარი ადგილის პოვნა არა მხოლოდ დღეს, არამედ განვითარებად მსოფლიოში ათწეულების შემდეგ.
კარგ განათლებას, განათლების ხარისხს და სპეციალისტების ისეთი თაობის ფორმირებას, რომელიც ყოველთვის შეძლებს განვითარებას, სომხეთისათვის სასიცოცხლოდ აუცილებელი მნიშვნელობა აქვს", - განაცხადა არამ ანანიანმა.
ბულგარეთის ნაციონალური საინფორმაციო სააგენტოს „BTA"-ს გენერალურმა დირექტორმა მაქსიმ მინჩევმა სასწავლო დაწესებულებას „არა ხვალინდელი, არამედ ზეგინდელი დღის სკოლა" უწოდა - „ის აზრებისა და იდეების ფორმას შეცვლის".
„მართალი გითხრათ, მშურს კიდეც, იმიტომ, რომ მსგავსი პროექტები ყველა ქვეყანას სჭირდება. ჩვენ ახალ ეპოქაში შევედით. ყველაფერი იცვლება, პროფესიებიც, ბავშვებიც, რომლებიც აქ ისწავლიან, ისინი მსოფლიოს შესთავაზებენ ამ ცვლილებებს. ამ კუთხით სომხეთს შეუძლია კარგი მაგალითი გახდეს, ვინაიდან არის რა პატარა და არც არც თუ ისე მდიდარი ქვეყანა, მან შეძლო სწორი გზის პოვნა და მსოფლიოს იდეებით მდიდარი პროექტი წარუდგინა", - განაცხადა მან.
რუმინეთის სააგენტოს „Agerpress"-ის დირექტორი ალექს გიბო განსაკუთრებით დააინტერესა იმ ფაქტმა, რომ სკოლა ნაციონალურ იდეოლოგიაზეა დაფუძნებული.
„ქვაც კი, რომელიც მის საფუძველში დევს ადგილობრივი ოლქიდანაა მოტანილი. აქ ცდილობენ შექმნან საერთაშორისო სკოლა ნაციონალური იდეებითა და სიმბოლოებით",_ განაცხადა მან.
ბულგარეთის სახელმწიფო საინფორმაციო სააგენტოს საერთაშორისო კავშირების პასუხისმგებელმა მდივანმა ზლატნა კოსტოვამ „არმენპრესთან" საუბარში აღიარა, რომ მსგავს კოლეჯს პირველად ხედავს. აქამდე ის აღფრთოვანებული იყო ბულგარეთში მოქმედი ამერიკული კოლეჯით, თუმცა დილიჟანის საერთაშორისო სკოლამ ყველა მოლოდინს გადააჭარბა. მან პირობა დადო, რომ ყველა თავის მეგობარს დილიჟანში არსებული სკოლის შესახებ მოუყვება და ურჩევს მათ განათლების მიღება სომხეთში გააგრძელონ.
„მე მართლაც გაკვირვებული და შთაბეჭდილებებით აღსავსე ვარ ახალგაზრდა ჯგუფის ნიჭის გამო, იდეების გამო, რომლებსაც ისინი მწვერვალებამდე მიჰყავთ. ეს იდეა მომავლის კეთილდღეობისკენ, ახალგაზრდობისკენაა მიმართული და მე იმედი მაქვს, რომ ის წარმატებით დაგვირგვინდება",_ განაცხადა კოსტოვამ და დასძინა, რომ მისი განსაკუთრებული აღფრთოვანება კოლეჯის არქიტეტურამ, დიზაინმა და ფერებმა გამოიწვია.
მრავალწილიანი სამშენებლო სამუშაოების შემდეგ, მიმდინარე წლის სექტემბრიდან UWC „დილიჟან"-ი ფუნქცინირებას დაიწყებს. ახლა კეთილმოწყობის ბოლო სამუშაოები მიმდინარეობს. იმისათვის, რომ აგვისტომდე მოესწროს და პროექი დასრულდეს, ჯგუფი მონაცვლეობით მუშაობს. 1300 ზე მეტი მშენებელი დღე და ღამე მუშაობს იმისათვის, რომ ბავშვებს, რომლებიც მსოფლიოს სხვა და სხვა ქვეყნიდან ჩამოვლენ განათლებისა და განვითარებისავის საუკეთესო პირობები ჰქონდეთ.
2014 წელს სკოლა 100 მოსწავლეს მიიღებს. მოსწავლეები რამდენიმე ათეული ქვეყნიდან აქ განათლებას საუკეთესო პირობებში მიიღებენ. სკოლაში მიღებულ მოსწავლეთა შორის ქართველებიც არიან. ამ ფაქტმა საქართველოს საინფორმაციო სააგენტო GHN-ის დირექტორი გოჩა მირცხულავა ძალიან დააინტერესა.
მისი თქმით, კოლეჯში ისწავლიან სომხეთის მომავალი მეგობრები, რომლებიც დაიცავენ არა მხოლოდ სომხეთს ინტერესებს, არამედ გახდებიან მძლავრი საყრდენი ქვეყნისა და სკოლისათვის.
„ისინი იქნებიან სომხეთის მეგობრები, სომხეთის ელჩები მთელს მსოფლიოში და ვფიქრობ, ეს სკოლა არის შესანიშნავი ინვესტიცია, რომლის შედეგი განალთელბული მომავალი თაობა იქნება - განაცხადა მან.
სკოლაში მსოფლიოს საუკეთესო სკოლების მასწავლებლები იმუშავებენ. ვინაიდან სწავლება საერთაშორისო ბაკალავრიატის საფუძველზე წარიმართება, მასწავლებლებს შესაბამისი IB კვალიფიკაცია უნდა ჰქონდეთ.
საწყის ეტაპზე მხოლოდ უცხოელი სპეციალისტები იმუშავებენ, თუმცა პარალელურად წარიმართება შესაბამისი კურსები სომეხი მასწავლებლების მოსამზადებლად, იმისათვის რათა მათ შესაბამისი კვალიფიკაციის მიღება და მომავალში სკოლაში მუშაობა შეძლონ.
სკოლის პროგრამის რეალიზაციაზე პასუხისმგებელი ედგარ მანუკიანი აღნიშნავს, რომ ეს პროექტი გათვლილია არა წლებზე, არამედ ასწლეულებზე. „როდესაც ჩვენ დავიწყეთ პროქტი დილიჟანისა და სომხეთისათვის, ყველა ფიქრობდა, რომ ეს იქნებოდა დახურული სკოლა, დახურული ტერიტორია, მაგრამ სკოლის იდეოლოგია იმაში მდგომარეობს, რომ ის საზოგადოების ნაწილია და ღიაა ყველასათვის.
ახლა მიმდინარეობს მსჯელობა თანამშრომლობის შესახებ დილიჟანის სხვა სკოლებთან. იქნება სპეციალური საათები, როდესაც ბავშვები სათამაშო მოედნით, აუზით, ფრენბურთისა და საფეხბურთო მოედნებით ისარგებლებენ, ურთიერთობა ექმნებათ ერთმანეთთან",_ განაცხადა მანუკიანმა და დასძინა, რომ 2015 წელს სკოლაში უკვე 250 მოსწავლე ისწავლის.
2013 წლის ბოლოს UWC „დილიჟან"-ი გაერთიანებული კოლეჯების მსოფლიო ქსელის (United World Colleges-UWC) წევრი გახდა. UWC „დილიჟან"-ი არის ფართო პროფილია საქველმოქმედო ინიციატივა, რომელიც მსოფლიოს ახლებურად წარუდგენს სომხეთის საგანმანათლებლო კერებს მიიღებს რა აქ სხვა და სხვა ეროვნების მოსწავლეებს მსოფლიოს 60 ქვეყნიდან. მოსალოდნელია, რომ 2023 წლისათვის მოსწავლეთა რაოდენობა 650 მიაღწევს.
სწავლის ერთი წლის საფასური 30 ათასი აშშ დილარია, თუმცა მოსწავლეთა 90 % უფასოდ ისწავლის მეცენატების მიერ გაღებული სტიპენდიების ხარჯზე.
სომხეთის ყოველმხრივად განვითარებული ბავშვები მოსწავლეთა 10-12 % შეადგენენ დანარჩენი კონტინგენტი კი სხვადასხვა ქვეყნების წამომადგენლები იქნებიან.
მასალა მოამზადა ასმიკ არუტუნიანმა
ფოტო: არტურ არუტუნიანი